Aa'een e Aashiya
By Iram Khan
Anmol Azadi
Anmol Azadi
Hargiz na pade dhundhli tasveer desh ki
Anmol azadi hi jageer desh ki
Hone na paye sard shraddha ki siyahi
Isi se hai qayam tauqir desh ki
Dekho bade na saaya, kaale aateet ka
Ujle bhavishya pe rakhi hai, taqdeer desh ki
Aasmaan bhi utra hai, is zameen ko chumne
Yeh mitti nahi hai lahuwir desh ki
Badalne se dariche, badalti nahi sadaayen
Nisbat hai rooh se taseed desh ki
Khokhale kabhi na hon, buniyad mohabbat
Yahi baldiye sifat tameer desh ki
Har khwab de raha hai, dehaleez par dastak
Sunhari rahe hardam tabeer desh ki
Tadbeere watan hai, gareebon ka paseena
Inhin motiyon mein "Aashiya" Tanveer desh ki.
Syed Aashiya Khatoon
Comments 💬
Login to post comments
No comments yet. Be the first to comment!