Aa'een e Aashiya
By Iram Khan
Ghazal: Palkhein jhukata ja
Palkhein jhukata ja, na to aansu bahata ja.
Chaahat ki aarzoo hai to baazi lagata ja.
Husne nazar ki tujhko kasam hai mere nadeem
Duniya ko muhabbat ke saleeke sikhata ja.
Maayus nazar aata hai, har mod kisliye
Har haal mein har taraf fakat muskurata ja.
Auron ki bewafaiyaan, kar de tu dar guzr
Shamme wafa jalake, andhere mitata ja.
Apne khuloos mein tu zara bhi kami na kar
Muhabbat ki shaakh hai tu, khud ko jhukata ja
Tujh par khulenge dekhna, israar-e-bekhudi
Har shakhs ko sachchai ki shobha banata ja
Hai "Aashiya" ki tujhko zamane yeh naseehat
Apni ravish badal ke, mursas lutata ja.
Syed Aashiya Khatoon
Comments 💬
Login to post comments
No comments yet. Be the first to comment!