Zindagi

Wisaal

Rukhsat ho chuke tum alam-e-duniya se,

Alam-e-barzakh hai shuru.

Ruh huyi,

Jism se juda.

Tumhare apno ke dil,

Hai ghamzada.

Tum ho naye safar mein,

Woh hai tumhe rukhsat karne ke marhale mein.

Jis jism ko tumne sawara,

Aaj use kisi aur ne ghusl-e paak diya.

Mahenge libason se khud ko sajaya,

Aaj safed kapdein mein tumhe baandh diya.

Mehlon mein tum rahe,

Supurd-e-khaak ho gaye.

Tum mubtila ho hisaab mein,

Woh mubtila hai sabr ke justaju mein.

Unka huzn hai.

Tumhara kya haal hai,

Ye Rab aur tum Jano.

Dil mein hoga zarur,

Ae insaan rab se milne ki tayyari khud shiddat se kar dalo.

Tum beet gaye duniya se,

Ab naye panne hai tumhare baab mein.

Woh zindagi jo na khatam honi hai,

Tum uss safar ke humsafar ho ab.

Hifza