Pulsating Ink

Ek nayi lahar si aayi meri zindagi mein

Ek naye safar ka aagaaz hua

Kuch naye chehre ab anjane nahi rahe

Kuch baatein ab unkahi nahi rahi

Ek unka kadam yun meri zindagi mein aise dastak laaye ki

Mujh anjaan ko maloom na tha

Unki baaton se, Unke lehje se

Mujhe mohabbat ho gayi

(Kyunki unn jaise se main bekhabar thi)

Phir ek mod aaya

Woh panchhi udd gaya apne naye raaston ko tay karte hue

Aur main, meri tanhai, aksar baatein krne lage

Ki woh mujhe kuch yun batane aaye the,

Suniye meri jaan,

Aapke liye ek khabar aapke hone wale zawj ke taraf se

Aap toh mujhse mohabbat kar baithi

Jab woh hai

Woh hai, jo aayenge

Aapke dil pe dastak yun denge ki

Aap khudko, apne dil ko nhi sambhal payengi

Unka bas yehi paygham hai ki,

Sabr rakhiye, khud pe bharosa rakhiye

Aap bahut kuch kar sakti hai iss duniya mein

Yeh taaleem unmein se ek hai

Yun ghabraye nahi

Bas badhte chale jaiye aage ki orr

"Ab bas kuch hi mahine baaki hai humare darmiyan

Ab bas aapse milne ki yeh besabri humse ho nahi rahi hai"

Dil thaam ke baithiye,

Aa rahe hai woh.

" Aa rha hun main "